ហេតុផល ៧ យ៉ាងដែលធ្វើឲ្យ 2NE1 ស្ថិតនៅក្នុងបេះដូងអ្នកគាំទ្រជារៀងរហូត

បន្ទាប់ពីមានព័ត៌មានប្រកាសជាផ្លូវការរបស់ផលិតកម្ម YG Entertainment  ថា ក្រុមតារាចម្រៀងស្រីដ៏ល្បី 2NE1 បានរំសាយក្រុមរួចមក ព័ត៌មានដ៏រសើបមួយនេះបានធ្វើឲ្យមហាជនមានការខកចិត្តយ៉ាងខ្លាំង។
ថ្វីត្បិតព័ត៌មាននេះមួយបានចាក់ដោតបេះដូងអ្នកគាំទ្រយ៉ាងណា ក៏ដោយ ក៏ក្រុមតារាស្រីដែលមានអាយុកាលជាង ៧ឆ្នាំនេះ នៅតែស្ថិតនៅក្នុង បេះដូងអ្នកគាំទ្រទាំងអស់ជារៀងរហូត គ្មានថ្ងៃបំភ្លេចបាន ព្រោះវត្តមានរបស់ក្រុម 2NE1 នេះហើយដែលធ្វើឲ្យអ្នកគាំទ្រទាំងអស់បានស្គាល់K-pop ច្បាស់ នេះបើតាមសម្តីរបស់អ្នកគាំទ្រមួយចំនួន។
ខាងក្រោមនេះគឺជាហេតុផលមួយចំនួនដែល 2NE1 នៅក្នុងបេះដូងរបស់អ្នកគាំទ្រគ្មានថ្ងៃបំភ្លេច
១.  បទចម្រៀងរបស់ក្រុម2NE1 បង្កប់អត្ថន័យល្អៗ
បទចម្រៀងរបស់ពួកគេភាគច្រើននិយាយអំពីជីវិតប្រចាំថ្ងៃ។ ជាពិសេសបទចម្រៀងមួយចំនួន បានលើកទឹកចិត្តនៅពេលដែលយើងជួបការលំបាក ឬក៏មានភាពឯកោ ឲ្យមានភាពរឹងមាំឡើងវិញ។



២. ការបង្ហាញពីភាពរឹងមាំរបស់ស្រី្ត
ក្រុម 2NE1 បានបង្ហាញឲ្យឃើញពីភាពអស្ចារ្យរបស់ខ្លួនតាមរយៈការសម្តែង ដែលមានសមាជិកស្រីមាន តែ ៤ នាក់ប៉ុណ្ណោះ។ ក្រុម 2NE1 បានក្លាយជាក្រុមតារាចម្រៀងស្រីដ៏ល្បី និងមានឥទ្ធិពលខ្លាំង បំផុត ក្នុងប្រវត្តិសាស្រ្ត K-pop។



៣. ស្ទាយសម្លៀកបំពាក់ឡូយៗដំបូងគេ មិនត្រឹមតែល្បីនៅ k-pop  ប៉ុន្តែនៅលើពិភពលោក
បើនិយាយពីស្ទាយសម្លៀកបំពាក់វិញ 2NE1 តែងតែជាប់ចំណាត់ខ្ពស់ជាងគេតែម្តង។ ស្ទាយសម្លៀកបំពាក់របស់ ពួកគេតែងតែទទួលបានការចាប់អារម្មណ៍ខ្លាំងពីអ្នកគាំទ្រជាមួយនឹង ពណ៌និង រូបភាពផ្សេងៗ។ ជាពិសេសជាមួយនឹងស្ទាយម៉ូដសក់របស់ Daraតែម្តង។




៤. 2NE1 បានជះឥទ្ធិពលខ្លាំងជាអន្តរជាតិ
2NE1 បានក្លាយជាវត្តមានដ៏សំខាន់ជាលក្ខណៈអន្តរជាតិ ជាពិសេស នៅតាមបណ្តាបស្ចិមប្រទេស។ ពួកគេ បានធ្វើការជាមួយនឹងសិល្បៈករ និងអ្នកដឹកនាំជាច្រើនដូចជា WIL.IAM និងកំពូលអ្នកច្នៃម៉ូដ Jeremy Scott។ បទចម្រៀងរបស់ពួកគេដែលមានចំណងជើងថា “I AM THE BEST” គឺជាបទដែលទទួលបានការគាំទ្រខ្លាំងបំផុត។



៥. សមាជិកក្រុមនីមួយៗ មានលក្ខណៈពិសេសរៀងខ្លួន
នារីទាំង ៤របស់ក្រុម2NE1 ពួកគេម្នាក់ៗសុទ្ធតែមានលក្ខណៈប្លែកផ្សេងៗពីគ្នា។ ជាពិសេសទៅទៀតនោះ ពួកគេចូលលេងសើច មិនថាពួកគេនៅទីណានោះទេ។ ពួកគេចូលចិត្តធ្វើអ្វីដែល ពួកគេចូលចិត្ត ដោយមិនខ្វល់អ្នកណាមើលមកថាពួកគេយ៉ាងមិចនោះទេ ទាំងការរាំ និងស្ទីលផ្សេងៗ។



៦. 2NE1 ស្រឡាញ់គ្នាដូចជាបងប្អូនបង្កើត
2NE1 មិនគ្រាន់តែជាសមាជិកប៉ុណ្ណោះទេ ប៉ុន្តែពួកគេគឺជាមិត្តល្អនឹងគ្នា ហើយថែមទាំងស្រឡាញ់គ្នាខ្លាំង ដូចជាបងប្អូនបង្កើតទៀតផង។ ពួកគេតែងតែជួយគ្នា និងលើកទឹកចិត្តទៅវិញទៅមក មិនថាមានបញ្ហាអ្វីនោះទេ។




៧.2NE1 ស្រឡាញ់អ្នកគាំទ្រខ្លាំង
ក្តីស្រឡាញ់ដែលពួកគេទទួលបានពីអ្នកគាំទ្រ ដូចគ្នាក្រម 2NE1 ក៏បានបង្ហាញក្តីស្រឡាញ់របស់ពួកគេសម្រាប់អ្នកគាំទ្ររបស់ពួកគេវិញដូចគ្នា។ ពួកគេមិនត្រឹមតែយកចិត្តទុកដាក់ចំពោះអ្នកគាំទ្រតាមរយៈសារព័ត៌មាននោះទេ ជាពិសេស Park Bom ថែមទាំងផ្តល់អំណោចមួយចំនួនដល់អ្នកគាំទ្រទុកជាអនុស្សវរីយ៍ទៀតផង៕